ఒక్క ప్రశ్న..

నువ్వు నన్ను ప్రశ్నించడానికి వస్తున్నావని తెలిసి

చాలా ఆనందించాను.

నాదగ్గర వున్న గ్రంధాలన్నీ మళ్ళీ చదివాను-

నీకు అవకాశం లేకుండా!

నాగర్వం నాలో ఉత్సాహాన్ని నింపేసింది-

నిన్ను ఓడించేద్దామన్నంత!

ఆ క్షణంకోసం ఎదురుచూస్తూ కూర్చున్నాను-

రానే వచ్చింది.

ఎవరూ ఊహించని క్లిష్టమైన ప్రశ్నలు-

పెద్ద పెద్దవి వేస్తావనుకున్నాను.

కానీ-

నువ్వడిగిన ఆ 'చిన్న' ప్రశ్నకి

నాదగ్గర సమాధానంలేక వెతుక్కుంటుంటే,

చిరునవ్వుతో నన్ను చూస్తున్న నీ కళ్ళమెరుపులు తెలియజెప్పాయి నాకు-

నేనింకా అక్షరాలు సైతం నేర్చుకోలేదని!!

              - పొ.స.సు.పవన్ గణేష్

                9247524379