బుజ్జాయిలకు భోగి పళ్ళు
ముగ్గులతో అలరారే వాకిళ్ళు
గంగిరెద్దుల సందళ్ళు
గొబ్బెమ్మల ముంగిళ్ళు
అత్తారింటికి వచ్చిన కొత్త అల్లుళ్ళు
తాతమ్మ చేసిన బెల్లం జీళ్ళు
బావల్ని ఆటపట్టించే మరదళ్ళు
పట్టు ఓణీలతో గిలిగింతలు పెట్టే వాలు కళ్ళు
కమ్మని నేతి అరిసెలు
ఘుమ్మనే పూర్ణం బూరెలు
అక్షయ పాత్రల హరిదాసులు
పసుపు బొట్టు పెట్టిన కొత్త బట్టలు
వెచ్చని భోగి మంటలు
ఆల మందల అలంకరణలు
కొత్త బియ్యం చక్కిలాలు
గారెల ఘుమఘుమలు
ఇంకా ఎన్నో ఎన్నెన్నో ..
మన అచ్చ తెనుగు సంక్రాంతి సంబరాలు.
మరువలేని మధురానుభూతులు.
- పవన్ గణేష్
హైదరాబాదు
12-01-2010
8 comments:
బాగుందండి పవన్ గారు.
రాజన్
చక్కటి సంక్రాంతి వేళ మంచి కవితని వినిపించారు. బాగుందండి.
ఈ సంవత్సరం లొ నే చూసిన మొదటి సంక్రాంతి కవిత.. బాగుందండి..
మీకు సంక్రాంతి శుభాకాంక్షలు.
బావున్నాయి మీ సంక్రాంతి సంబరాలు
మీకు కూడా శుభాకాంక్షలు.
Kavitha bagundhi
Hi ganesh
Kavithalu bagunnai..
Frequency increase cheyi
Satya
Post a Comment