మౌనం...

శబ్దం
నిశ్శబ్దంగా కూర్చున్నప్పుడు
ఉద్భవిస్తూంటుంది మౌనం
ప్రళయ కాల రుద్రుడిలా!
*****
వాన చినుకునీ
గాలి తునకనీ
పలకరించాలి -
మౌనం తెలియాలంటే !
అవి మాట్లాడితే
ప్రళయమే!
*****
ఒక్కక్షణం మాటల్ని తడిమి చూసాను-
మౌనంతో తడిసి వున్నాయవి.
ఇంకా తడి ఆరలేదు-
భయం వేసింది-తడిసిన నా చేతుల్ని చూసి,
తడి నా హృదయానికి పాకుతుందేమోనని!
మౌనానికి కొంచెం జాలి
వదిలేసిందప్పటికి!
మరి
చల్లదనం?
చిరుగాలి?
మాయమయ్యాయి- మౌనంతో పాటు!
ఎంతటి తాపత్రయం
ఈ మౌనానికి-
విశ్వాన్నేలేద్దామనుకుంటో౦ది !
నేనోక్కడిని ఉన్నానని
మరచిపోయినట్లుంది-
శబ్దాన్ని
పునర్జీవిని చెయ్యడానికి!
*****************మౌనం మాటగా మారడానికి సమాయత్తమౌతోంది**